يعني إيه السمر كورس؟

السمر كورس ببساطة كده هو فرصة تانية بتقدمها الكلية علشان تعدي المواد اللي سقطت فيها في الترم الأول أو الترم التاني أو الاتنين مع بعض.

تفاصيل السمر كورس؟

يعني لو مثلاً شايل مادة من الترم الأول، وكمان مادة من الترم التاني، تقدر تسجلهم في السمر وتعيدهم الصيف ده.

بس خلي بالك، المواد في السمر بتكون بفلوس، وبتدفع تمن كل مادة لوحدها.

آه، لو كنت غايب في المادة ومكتوبلك "غياب" في النتيجة، وقدمت عذر مقبول واتقبل، ممكن تسجل المادة ببلاش في السمر.

لو انت طالب شاطر وعايز تخلص الكلية أسرع، تقدر تسجل مواد زيادة في السمر علشان تتخرج بدري. وده متاح لو كانت الخطة الدراسية تسمح.

سعر تسجيل المادة بيحدده الجامعة، وممكن تسأل في الشؤون علشان تعرف التكلفة قبل التسجيل.

السمر كورس فرصة، سواء علشان تنجح، أو تسبق وتنجز أسرع. استغل الصيف صح!

لو استفدت من المقال ده، شاركه مع صحابك! 🎉