إزاي تدخل أو تحول لأكاديمية مودرن مودرن أكاديمي ؟ وأيه المصروفات؟

أولاً: لو جالك ترشيح من مكتب التنسيق

لو اتقبلت في مودرن أكاديمي عن طريق التنسيق، لازم تجهز الورق ده:

• أصل شهادة الثانوية العامة + 3 صور.
• أصل شهادة الميلاد كمبيوتر + صور.
• 3 صور بطاقة الرقم القومي أو الباسبور (لغير المصريين).
• 2 صورة من بطاقة ولي الأمر أو الباسبور.
• 8 صور شخصية (مقاس 4×6).
• نموذج 2 جند + 6 أو 7 جند للطلاب الذكور المصريين.

ثانياً: لو هتحول من جامعة / معهد / أكاديمية

لو كنت في معهد هندسي مناظر:

• بيان حالة + بيان تقديرات.
• محتوى علمي مختوم بشعار المعهد.
• صورة من المؤهل الدراسي.

لو كنت في مكان غير مناظر:

• بيان حالة مختوم.
• صورة من المؤهل الدراسي.

ملحوظة: لازم تكون محول صافي (يعني مش شايل مواد)، والتقدير التراكمي بتاعك لا يقل عن 2.3 GPA.

ممكن تستخدم حاسبة GPA الخاصة بينا علشان تعرف تقديرك المعادل.

المصروفات السنوية في مودرن أكاديمي

القسم	المصروفات (جنيه مصري)
علوم الحاسب (Computer Science)	26,000
إدارة أعمال (Business)	27,000
نظم معلومات إدارية (MIS)	19,000
هندسة	35,000
غير المصريين	1000 جنيه إسترليني

المصروفات ممكن تختلف من سنة للتانية، فالأفضل تتابع صفحة الأكاديمية أو تتواصل معاهم مباشرة.

مش لازم تدفع المصروفات كلها مرة واحدة، تقدر تدفعهم على ترمين دراسيين. الدفع بيكون مهم علشان تقدر تسجّل المواد وتبدأ الدراسة بشكل طبيعي، يعني لازم تسدد أول قسط قبل التسجيل.

بشكل عام، الدراسة في أكاديمية مودرن بتبدأ في شهر أكتوبر (10) من كل سنة، وبتكون البداية مع التيرم الأول